Cruceiro conquista para Hío a Copa do Futuro Deputación de Pontevedra

Rematou en Vigo (campo do Comesaña) a Copa do Futuro Deputación de Pontevedra, cun vencedor: o Cruceiro A de Hío, que logrou ser mellor que todos os seus rivais ao longo da competición e acabar coroándose como mellor equipo prebenxamín da provincia, nunha competición na que participaron case 1200 nenos e 92 clubs.

Logo da xornada do sábado, a do domingo partía de cuartos de final. Estes foron os resultados:
Verdugo-Colexio Apóstol Santiago: 0-2
Balaídos-Arosa: 3-2
Rápido de Bouzas-Lalín: 1-1 (Gaña Lalín nos penaltis)
Cruceiro A-Chapela: 3-2

Logo destas interesantes eliminatorias, dilucidáronse os postos do 9º ao 12º. Tras deles, do 5º ao 8º. Despois, tempo de semifinais.
Os vigueses Colexio Santiago Apóstol e Balaídos decidían o primeiro finalista. Foi Balaídos, pois gañou 0-2.
Na segunda semifinal Cruceiro A impúxose a Lalín tamén por 0-2.
E chegou a hora da gran final, en torno ás 13,30 horas. Balaídos-Cruceiro A. Houbo oportunidades para os dous conxuntos, pero Cruceiro foi quen de superar ao seu rival e alzarse co trofeo. 1-4 foi o resultado.

Dese xeito e logo de disputados todos los partidos, a clasificación definitiva da Copa do Futuro Deputación de Pontevedra nos seus primeiros 12 lugares, quedou así:
1º Cruceiro A
2º Balaídos
3º Lalín
4º Colegio Santiago Apóstol
5º Rápido de Bouzas
6º Arosa
7º Chapela
8º Verdugo
9º Santa Mariña
10º A. Juvenil de Lérez
11º Arcade
12º Porriño

Ademais, houbo agasallos para os mellores xogadores do torneo. Diego Somoza, máximo goleador; Brais Vázquez, porteiro menos goleado.

Chema Figueroa, vicepresidente da Deputación de Pontevedra, foi un dos encargados de entregar os premios aos campións. Xunto del, estiveron José Enrique Sotelo, deputado da área de Deportes da Deputación; Fran Teixeira, técnico da institución; e os presidentes de Comesaña e Areosa.