A plantilla do Gestibérica Cidade de Vigo Basquet, homenaxeada polo seu ascenso á categoría LEB Plata

Os integrantes da plantilla do recén ascendido á categoría LEB Plata, Gestibérica Cidade de Vigo Basquet, foron recibidos hoxe, no Pazo Provincial, pola vicepresidenta, Corina Porro, e polo deputado de Deportes, José Enrique Sotelo.

Na súa visita, o presidente do Club afirmou que "a Deputación é a entidade á que máis lle temos que agradecer este novo proxecto tan ilusionante polo apoio que nos prestou". Pola súa banda, Corina Porro puxo de relevo que o Gestibérica "logrou romper e conseguiu encher o pavillón das travesas que levaba anos sen facelo" e manifestou a súa satisfacción porque o club non só acadou un éxito deportivo senón que ademais "conseguiu facer cidade e
promover a práctica deportiva entre a cidadanía".


José Enrique Sotelo tamén quixo felicitar ó club polo éxitos obtidos e destacou que a Deputación Provincial seguirá colaborando de cara ós retos futuros.

Finalmente, o presidente do club salientou que "queremos chegar a ser un equipo representantivo, non só de Vigo senón de toda a súa área de influencia" e, neste senso afirmou que "pretendemos seguir ilusionando á afección" .