Aser Estévez (Spol Porriño), sétimo, o mellor galego no Campionato de España de Contrarreloxo sub-23

O ciclista manchego Arturo Mora proclamouse esta tarde Campión de España de contrarreloxo individual na categoría sub23, en Negreira (A Coruña). Para un percorrido total de 32,4 quilómetros, o novo campión necesitou 43 minutos e 54 segundos, 22 segundos menos que o cántabro Ángel Madrazo, subcampión; terceiro foi o balear Lluis Mas, a 26 segundos de Mora. O mellor dos tres galegos da proba foi Aser Estévez, do Club Ciclista Spol do Porriño, sétimo cun rexistro de 45´17".