As traiñeiras da Ría de Vigo, a confirmar o seu poder na Bandeira da Pobra

Mañá, sábado 5 de xullo, ás 18.00 horas, os palexeiros galegos teñen unha nova cita coa Liga Galega de Traiñeiras. A competición, ata agora dominada por Samertolameu, trasládase ata A Pobra do Caramiñal, onde se disputará a II Bandeira Concello de A Pobra. A proba coruñesa, ao igual que o ano pasado, introducirá un sistema de competición diferente ao habitual.
A regata disputaráse en tres quendas, dúas de seis equipos e unha de catro. As traiñeiras partirán cunha diferencia duns cinco minutos entre a chegada dunha e a saída da outra. Faráse sobre unha distancia de 3 millas (5.556 metros) e o campo de regatas estará composto de 3 trens de boias con 3 boias por tren, saíndo 3 traiñas (2 no caso da primeira tanda) dende o tren do medio (saída-chegada) cara un lado do campo de regatas e outras 3 traiñas (ou 2) cara o outro lado do campo. En total haberá que realizar 6 viradas para completar o percorrido e a regata rematará nas boias de saida.

Na primeira das quendas, segundo o regulamento da Liga Galega de Traiñeiras de 2008, sairán os catro últimos clasificados, que son C.R. San Felipe de Ferrol, C.R. Vila de Cangas, C.R. Vilaxoán e C.M. Bueu.
Na segunda partirían Amegrove C.R., C.R. Coruxo, C.R. A Cabana, A.D. Esteirana, C.R. Ares e C.R. Puebla.
Na derradeira das quendas partirían os mellores clasificados do campionato: C.R. Perillo, C.R. Rianxo, C.R. Mecos, C.R. Chapela, R.C. Náutico de Vigo e S.D. Samertolameu.

De todos os xeitos, o sistema de competición da regata terá que ser debatido mañá ás 16.30 horas no auditorio do Instituto Social da Marina (terceira planta). Ás 16.00 horas terá lugar a comprobación do campo de regatas.
Trala disputa da proba, a embarcación gañadora recibirá a bandeira das mans das autoridades locais.