O Celta conxela os prezos das renovacións de abonos

O Real Club Celta vén de fixar os prezos dos abonos para a vindeira tempada. O club ten o obxectivo de premiar a fidelidade e lealdade (o sufrimento, tamén) dos actuais abonados, que pagarán a mesma cota que na pésima campaña recén rematada. As renovacións non sufrirán, pois, incremento ningún no prezo e serán máis económicas cas novas altas que, por outra banda, suporán cantidades por debaixo da media da Segunda División deste último ano.