Canobbio cambia Vigo por Valladolid

O mediapunta uruguaio do Real Club Celta, Néstor Fabián Canobbio, deixa Vigo. Logo de catro tempadas, que inclúen un ascenso ao que el contribuíra con 12 goles, unha clasificación para disputar a Copa da UEFA e un descenso, o xogador marcha a Valladolid onde lle ofrecen tres anos de contrato e a posibilidade de competir na máxima categoría do fútbol español. Canobbio, quizais o futbolista con maior calidade do Celta actual, pero que apenas se deixou ver no último exercicio, contribúe coa súa marcha a aliviar un pouco a situación das finanzas do seu xa ex club.