Aos xogadores do Real Club Celta tócalles regresar ao traballo

A primeira plantilla do Real Club Celta, que este ano adestrará Pepe Murcia, inicia hoxe a súa pretempada, se ben ata o próximo luns, 21 de xullo, non comezarán os adestramentos. As xornadas de xoves e venres están dedicadas ás probas médicas na clínica de Fátima, e sábado e domingo son días libres.
O luns, como xa quedou dito, inicio dos adestramentos na Madroa. Sábado, 26 de xullo, primeiro partido de pretempada en O Baltar de Portonovo diante do equipo local, ás 19.30. Dous días despois, comezo do stage en Melgaço; xoves 31, amigable nesa localidade portuguesa diante do At. Valdevez. Xa en agosto, o día 5, terceiro amigable, agora contra o G.D. Ribeirâo e de novo en Melgaço. O 6 remata o stage e o equipo volve a Vigo, mais regresa a Melgaço o domingo 10 durante unhas horas, co fin de disputar o Trofeo Ciudad de Melgaço fronte o Marítimo Funchal. Como é natural, dende ese 10 de agosto ata o día no que está previsto que a competición en 2ªA bote a andar, no caso do Celta diante do Girona en Balaídos, aínda restan outros amigables que se irán coñecendo.